香港刀手們「與時並進」，打劫果陣都會講聲「Hello，打劫呀！」。圖為李家超為「Hello，Hong Kong!」宣傳。（圖片來源：視頻截圖）
都話咗係「國際大刀會」啦。現在的香港，除了差不多日日都有「刀市傳説」之外，刀手們也「與時並進」，積極響應李家超特首「説好香港故事」的號召，打劫果陣都會講聲「Hello，打劫呀！」簡直令人刮目相看。
話說，3月25日，尖沙咀WK Square錶行，遭到4名南亞裔劫匪打劫，搶走價值過千萬元名錶。其中一名經歷遇劫過程的店員Winnie，在接受《星島頭條》訪問時，憶述事發經過。
她說當日下午3點幾，她同一名負責人、一名女文員正在招呼2個客人，其間4名穿上「地盤look」的南亞裔匪徒走入店內，其中兩名匪徒突然從袋內取出「架撐」指住各人，並以純正的廣東話呼喝「Hello，打劫呀！」
是的，你沒聽錯，劫匪是說：「Hello，打劫呀！」。我想連李家超特首都沒有估到，他的「HELLO香港」號召力如此之強大，連劫匪都「即學即用」。
不過反觀我們的警察叔叔，英文似乎就差了少少，單單一個英文字母「L」就特別容易講出口，例如「影咩L嘢！」「DNLM, 身份證啊！」其實「HELLO」都係多了一個L而已，點解就咁難學呢？
無計啦，現在警隊要去殖民化，連：「YES SIR」這樣的英文都話唔講得。警察叔叔咪唯有將D廣東話「L文化」發揚光大囉。
雖然劫匪「盜亦有道」，打劫之前好有禮貌咁「打招呼」，但是當時五個人被嚇到「震騰騰」，Winnie表示，女文員在受到威嚇下，乖乖地將夾萬及錶櫃鎖匙交出。不過對方不識得用鎖匙打開錶櫃，一度爆粗，並威逼負責人開左錶櫃的鎖，其餘2名匪徒則迅速用手提旅行袋擸走大量名錶，歷時3分鐘左右，得手之後便迅即逃離現場。
報導稱，由於負責人同各店員都從未經歷過賊匪搶劫，各人都驚魂未定，Winnie表示「自己都瞓唔著，每次諗返起都有啲驚。」
唉！在「由亂轉治」的美麗新香港下，相信這些「刀市傳説」只會越來越多。看來以後香港的珠寶店啊、鐘錶店啊，名牌手袋店等等，都要同D員工做新的培訓，教一教他們新刀會的好客之道。如果下次再有劫匪走入來話：「Hello，打劫呀！」
店員就要回應話：「你好！歡迎光臨，隨便睇隨便攞唔使客氣駕，先生，呢條係夾萬鎖匙，我幫你開啦。」另外最緊要的是，等D劫匪打劫完，要講聲：「多謝惠顧！歡迎下次光臨！慢慢行！唔使急架！而家的差佬個個忙住國安法，呢D打劫案，他們得鬼閑理咩！不過，唔好行去大陸團集中的地方喔，因爲陶輝指揮官隨時都會係果度親自督陣架。」
大家話，咁貼心的服務態度，就算幾彪悍的劫匪，都唔忍心傷害D店員啦。對吧？
（文章僅代表作者個人意見和觀點）
来源:看中國
短网址: 版權所有，任何形式轉載需本站授權許可。嚴禁建立鏡像網站。
【誠徵榮譽會員】溪流能夠匯成大海，小善可以成就大愛。我們向全球華人誠意徵集萬名榮譽會員：每位榮譽會員每年只需支付一份訂閱費用，成為《看中國》網站的榮譽會員，就可以助力我們突破審查與封鎖，向至少10000位中國大陸同胞奉上獨立真實的關鍵資訊， 在危難時刻向他們發出預警，救他們於大瘟疫與其它社會危難之中。
